同事介紹她去看皮膚科李梓源醫生(九龍彌敦道363號恒成大廈1510室)。
第一次看，book了也要等個多小時，令人不耐煩。問問他生粒粒的原因，他只說每個人都有個cycle，唔出粒粒先唔正常。無言。兩星期藥也要近千元。
第二次，護士幫豆豆預約了星期五晚七點，因為當日要開會，只遲了5分鐘，診所就關門了。真令人憤怒！要是你七時準時關門，就別給七點的booking，算是什麼意思？耍人嗎？
第三次，book了星期六12點3。這次沒有遲到，一去到護士就話醫生病左，唔再睇症。真係憤怒烏！你估人地唔駛搭車咩？唔睇你都打個電話通知聲呀！個booking list都係得番幾個人啫。
跟住，個護士仲問豆豆淨係配藥有無問題。豆豆完全無還擊之力，一場來到，唔通空手而回咩？於是就等啦。等呀等，等呀等，等呀等…… 半粒鐘就過了。
突然護士就叫豆豆埋櫃台，問上次食完d藥有無唔舒服，又問d膏搽完點？豆豆同佢講d膏根本唔夠兩個星期搽，個盒小小的，仲要個盒底凹上去。護士就話，搽少少就得，好薄，薄到好似無。薄到好似無？咪即係無搽囉 =_____=
如是者，等呀等，等呀等，等呀等……半粒鐘又過了。有對母子也在等，看得出仔仔皮膚敏感，滿臉通紅，他媽媽鍥而不捨到櫃台跟護士說出了仔仔上次用藥後的情況，請護士轉告醫生，好不容易，醫生終於肯見病人。真巴閉！
好明顯，醫生仲係房，只係因為趕關門就唔再睇症。母子出來時，媽媽又同護士講出門太快，一時唔記得拎埋包藥來換，可唔可以下次先拎番退錢，個護士就好惡咁一刀切話：無架喎，咁無得退。可能d語氣唔好又大聲，個醫生聽到，個護士先同個媽媽講醫生叫你下次記得帶番d藥。
如是者，等呀等，等呀等，等呀等……最後，75分鐘。
豆豆連醫生陣味都無嗅過。淨係等藥都等左成粒幾鐘。
千幾銀唔係錢？醫生d時間先係時間？
錢都唔work嘅世界。咩都攞盡你嘅瘋狂世界。幾時先可以逃離？
醫生，好多都係咁嘅人。唔係話要一竹篙打一船人。
特別係皮膚科個d。
老師會同你講，最需要幫嘅係基層嘅小朋友，
等佢地可以透過教育改變命運，增加人生機會。
書，大家都係咁讀。
但裡頭到底有甚麼樣的知識？
德行去了哪兒？
有種書，讀了只是為賺錢。
本來賺錢也不成問題。
但他還要賺到盡。
賺得不合理。
係香港有咩可能唔燥底？
窮得只有錢？我說是什麼也沒有，深不見底。
連食嘢都係咁，俾錢都仲要排隊受氣。
嘢可以返屋企食，醫生要去邊度睇？
下世，如果有下一世，
讀到60歲都要讀到皮膚科！
沒有留言:
發佈留言